صفحة من مذكرات حصان
كان البرد شديد و الليل لسه طويل .. وف قلبى صهيل مكتوم فقررت من فرشتى أقوم
قلت أكتب صفحة من مذكراتى فى اغرب يوم فى حياتى
و بين اليقظة و السبات , سمعت ودنى همسات !! أتاريه الفارس الهمام , أرق و الطف انسان
تنسى معاه الدنيا و تحس انك حاجة تانية .. تتمنى ما يسيبك لحظة .. ومعاه كل الفرحة
ايه ده ؟! أومال أنا مالة ؟! و ايه مشقلب كيانى و خلى الليلة دى اغرب أيام حياتى ؟
ليه حاسس انى عنده مش غالى ؟ حصان من وسط ميه و ده كل مقامى
مش برضه عندى حق يا شباب..دا انا كسفته فى كذا سباق
هايحبنى يعنى على ايه ؟ ولا هايفضلنى عشان ايه؟
أنا مش زى اخواتى التانيين شداد ومأصليين
أنا دايما عامل مشاكل .. وهو شايف و ساكت
أنا واثق م اللى بأقوله .. ده ف دماغى الليل بطوله
لو كان الفارس بيحبنى و كنت عنده فريد .. ليه بيطلع عينى و ف قسوته ساعات بيزيد
ليه بالمناخس ينخسنى و بعصاية ف ايده يلسوعنى
وأحس انى مجبور .. مقهور .. مفروضة عليا الأمور
بس صدقوا أو ماتصدقوش .. عاوزكوا تعرفوا و ماتستغربوش
بالرغم من ان لجامى ف ايده .. ما هو القائد مش أنا اللى سيده
الا انى باحس انى حر .. وف عنادى ممكن أصر
مستحيل يحركنى بالقوة .. ف الاخر ده قرارى و طالع من جوه
ده قدام أعلى الحواجز بيكون ليا حارس
و بأحس بضربات قلبه .. مجهوده وتعبه و حبه
مش بس كده .. الغريبة بعد كل سباق, بأحس انه بحبه ليا سباق
يجرى عليا و يحضنى وف حضنه أحس ان ماحدش قدى
و السكر فى بقى يأكلنى ينسينى تعبى و يسعدنى
و يمشى ماسكنى بفخر و اعتزاز .. بتبقى لحظة .. يااااه !! تهز مشاعرى اهتزاز
الصراحة.. أنا مش فاهم حاجة !! أنا عنده ( أنا ) و لا مجرد حاجة
الأعتراف بالحق فضيلة .. وأنا خايب و الخيبة تقيلة
نفسى أكون حصانه الخاص .. أشرفه وأرفعله الراس
و ف نفس الوقت متلخبط !! أزاى محبة و سياط بيضرب ؟؟؟
مش ساعات.. حوار شبه ده بيدور بينا و بين نفسنا متسألين عن معاملات ربنا معانا أحيانا ؟؟
بس الغريبة انه برضه " الحمار يعرف صاحبه ...أما شعبى ....!! " عفوا
Helping your favorite cause is as easy as instant messaging. You IM, we give. Learn more.
† † † † † †
ــــــــــــــــــــــــــــــــــــــــــــــــــــــــــــــــــ
† † † † † † The Good Shepherd Group † † † † † †
"أنا هو الراعى الصالح ، و الراعى الصالح يبذل نفسه عن الخراف"
ــــــــــــــــــــــــــــــــــــــــــــــــــــــــــــــــــ
† † † سوف تصلك رسائلنا 3 أو 4 مرات فى الأسبوع † † † † †
ــــــــــــــــــــــــــــــــــــــــــــــــــــــــــــــــــ
† † † † لزيارة موقعنا † † † †
http://groups.yahoo.com/group/thegoodshepherd/
ــــــــــــــــــــــــــــــــــــــــــــــــــــــــــــــــــ
† † † † للإشتراك معنا... أرسل رسالة فارغةعلى † † † †
thegoodshepherd-subscribe@yahoogroups.com
ــــــــــــــــــــــــــــــــــــــــــــــــــــــــــــــــــ
† † † † † † للمشاركة برسائلك فى المجموعة † † † † † †
thegoodshepherd@yahoogroups.com
ــــــــــــــــــــــــــــــــــــــــــــــــــــــــــــــــــ
Change settings via the Web (Yahoo! ID required)
Change settings via email: Switch delivery to Daily Digest | Switch format to Traditional
Visit Your Group | Yahoo! Groups Terms of Use | Unsubscribe
__,_._,___
Tidak ada komentar:
Posting Komentar